તારીખ: ૧૨ સપ્ટેમ્બર ૨૦૧૭
તુ આંખો બંધ કરીને મને યાદ કર, હું ત્યાંજ છું,
એક ઉંડા સ્વપનમાં મને શોધ, હું ત્યાંજ છું.
વરસાદની આ મહેક ને એકજ શ્વાસમાં ભરી,
વરસતા વરસાદમાં મારા આંસુને તારાથી છુપાવી,
હું તારામાં જ સમાઇ જાઉં.
આ નાનકડા જીવનમાં તને સાથે લઇ,
લાગણીના પલકારા માંથી તારી એક ઝલક જોઇ,
તારા જીવનને ખુશીઓ થી ભરી જાઉં.
દુ:ખ આવે તો સુખ નો પ્રવાહ બની,
મોત આવે તો સાવિત્રી બની,
હું તને કાયમ મારી સાથ લઇ જાઉં.
તારા-મારા મતભેદોના સમજોતા કરી,
કાલની ચીંતા કર્યા વગર દરેક પળને જીવી,
તારા હાથોમાં હાથ નાખી આ જીવન વિતાવી જાઉં.
બસ,
તુ આંખો બંધ કરીને મને યાદ કર, હું ત્યાંજ છું,
એક ઉંડા સ્વપ્નમાં મને શોધ, હું ત્યાંજ છું.
– બંસી જોશી
Thank You, Bansi to share this poem with us.
LikeLiked by 2 people